"કાયદો" પર આધ્યાત્મિક સૂત્રો

કુદરતનો કાયદો એવો છે કે જ્યાં જેટલો અહંકાર ઓછો ત્યાં તેટલું સરળતાથી મળે. આ બાળક સરળ છે એટલે એને જે જોઈએ છે તેટલું મળે છે ને ? અહંકારથી ભગવાન જોડે ભેદ પડે. જેટલો અહંકાર ગયો એટલો અભેદ થયો.

ભગવાનનો કાયદો જ છે કે જ્યાં ‘હું કંઈક છું’ એમ થયું કે ભગવાનથી એ જુદો.

જ્યાં કાયદા ત્યાં લૉ-કોર્ટ, આત્મધર્મ નહીં. જ્યાં કાયદો નહીં, ત્યાં ભગવાનનો વાસ !

એક પત્નીવ્રતનો કાયદો હોય એ ‘લિમિટ’વાળું કહેવાય. એ ઊર્ધ્વગતિમાં લઈ જાય. મોક્ષે જવાની ‘લિમિટ’ કઈ ? ‘એક પત્નીવ્રત.’