જ્યારે કંઈક અઘટિત કે અણબનાવ થાય છે ત્યારે તમે ક્યારેય વિચાર્યું છે, ‘હું મારા દુઃખથી મુક્ત થવા માંગુ છું. મને મારા જીવનનો અંત લાવવો છે?’
આપણા જીવન દરમ્યાન, આપણે સારા અને ખરાબ એવા બે કાળચક્રમાંથી પસાર થઈએ છીએ અને અંતે કેટલાક એવા નિર્ણય પર પહોંચીએ છીએ કે જીવન મુશ્કેલીઓથી પીડાતું રહ્યું છે. જ્યારે આપણી સાથે કંઈક સારું બને છે, ત્યારે આપણે ખુશ, આનંદમાં અને સંતુષ્ટ હોઈએ છીએ. તેનાથી વિપરિત, જ્યારે આપણી સાથે કંઈક ખરાબ બને છે ત્યારે આપણે દુ:ખી, હતાશ થઈ જઈએ છીએ; છેવટે એટલી હદ સુધી પહોંચી જઈએ છીએ કે આપણે વિચારીએ કે ‘આ દુઃખમાંથી કાયમી મુક્ત થવા, મને મારું જીવન સમાપ્ત કરવું છે.’
તેમ છતાં, આપણે બધા ઈચ્છીએ છીએ કે “ખરાબ” તબક્કાઓ ઝડપથી પસાર થાય, જ્યારે આપણી આસપાસ સારા સંજોગો હોય ત્યારે આપણે એની સંપૂર્ણ પ્રશંસા કરતા નથી તેથી, તમે જે મુશ્કેલીભર્યા સમયનો અનુભવ કરી રહ્યાં છો, તો તે યાદ રાખવું મહત્ત્વપૂર્ણ છે કે આ એક તબક્કો છે અને આપણા જીવનને સંચાલિત કરે એવો કાયદો કહે છે કે આ સમયગાળો પણ પસાર થઈ જશે અને તેના પછી સારો સમય પણ આવશે.
શું જીવ સાથે જોખમ લેવું એ જ ખરો ઉત્તર છે?
તમારું જીવન ટૂંકાવવાથી, શું ખરાબ સમય દૂર થઈ જશે? ચોક્કસપણે નહીં. કારણ કે, તમારે તમારા આવતા જન્મમાં આના ગંભીર પરિણામો ભોગવવા પડશે. તેથી, જો તમે તમારા વર્તમાન જીવનમાં મુશ્કેલી સહન કરો અને આ મુશ્કેલ પરિસ્થિતિને પાર કરી જાણો તો તે શ્રેષ્ઠ છે. અને વિચારો કે જ્યારે તમે સતત પ્રયત્ન કરો અને તેમાંથી પસાર થશો ત્યારે તમે કેટલા મજબૂત બનશો.
“જ્યારે જીવનમાં અણબનાવ થાય છે ત્યારે મારે શું કરવું જોઈએ?”
- મદદ માટે પૂછો, મૌન રહી ભોગવટામાં ન રહો – તાત્કાલિક મદદ માંગો!
- શારીરિક અને માનસિક રીતે - તમારી સ્વયંની સંભાળ રાખો.
- તંદુરસ્ત આહાર જાળવો. આપણે જે ખાઈએ છીએ તેની અસર આપણા વિચારો પર પડે છે.
- આશાવાદી રહેવામાં પ્રચંડ શક્તિ રહેલી છે.
- તમારી આસપાસ સકારાત્મક (પોઝિટિવ) લોકોને રાખો.
- તમારી વર્તમાન પરિસ્થિતિને બદલવા માટે તમે શું કરી શકો તેના પર ધ્યાન કેન્દ્રિત કરો - એક સમયે એક પગલું લો.
- પરિસ્થિતિઓ ગમે તેટલી ખરાબ હોય, પરંતુ એટલું જાણી રાખો કે પસંદગી તમારી છે કે તમને સુખી રહેવું છે કે દુ:ખી.
- તમારી અંદર રહેલી શક્તિ પર શ્રદ્ધા રાખો.
- એવું કામ કરો જેનાથી તમે ખુશ રહો.
- દ્રશ્યોમાં ફેરફાર કરો – ચાલવા જાઓ, સંબંધીઓ અથવા મિત્રોને મળવા જાવ.
- જાણો કે કોઈ કાયમના માટે રહેતું નથી.
- એવા લોકોને જુઓ કે જેમની સ્થિતિ તમારા કરતા પણ ખરાબ છે. આનાથી તમને તમારા દુઃખનો સામનો કરવાની શક્તિ આવશે.
- જરૂરિયાતમંદોને મદદ કરો. આમ કરવાથી તમને ઘણી શાંતિ મળશે.
- ઘરમાં, વ્યવસાયમાં અથવા સામાજિક ટોળામાં બદલાવ લાવો.
સકારાત્મક (પોઝિટિવ) અને નકારાત્મક (નેગેટિવ) શક્તિઓની અસરો.
આ જગતમાં, ફક્ત ‘પોઝિટિવ’ તમને સુખ આપશે; ‘નેગેટિવ’ તમને દુ:ખ સિવાય કંઈ નહીં આપે. આપણે પોઝિટિવમાં રહીને અને દુઃખને સહન કરવા સિવાય કંઈ કરી શકતા નથી. ખરાબ સંજોગો સમયની સાથે પસાર થઈ જશે. સંજોગો હંમેશા બદલાતા રહે છે અને આપણા જીવનમાં ક્યારેય કશું કાયમનું રહેતું નથી.
તેથી, આપણે ધીરજ રાખીને આપણા વર્તમાન સંજોગોનો સામનો કરવા માટે શક્તિ મળી રહે એમ પ્રાર્થના કરવી જોઈએ. પરંતુ, ક્યારેય હાર માનશો નહીં અથવા શરણાગતિ સ્વીકારશો નહીં, કારણ કે, આ ખરાબ સમયગાળો પણ ચોક્કસપણે પસાર થશે.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
