જ્યારે તમને આત્મહત્યા માટેની લાગણીઓ થાય તે ઘડીએ શું કરવું?

વર્તમાન સમયમાં તમે જ્યાં જુઓ ત્યાં દુ:ખ અને ભોગવટો છે. તમામ ભૌતિક સુખ-સુવિધાઓ હોવા છતાં ખૂબ જ દુ:ખ રહેલા છે. જેવી તમારી કોઈ સમસ્યા પૂરી થાય, ત્યાં તો બીજી ઊભી જ હોય છે. સમસ્યાઓની આ સુનામી આંતરિક દુઃખોનું કારણ બને છે. આમાં હજુ ઉમેરો કરતા, જીવનના દરેક પાસામાં માંગણીઓ અને અપેક્ષાઓ તમને આત્મહત્યા કરવા માટેનો વિચાર કરાવડાવે છે.

Suicide Prevention

આત્મહત્યા તમારી સમસ્યાઓનો અંત લાવશે નહીં

ઊંડાણપૂર્વક, તમે જાણો છો કે તમે તમારી જવાબદારીઓથી ભાગી શકતા નથી અને લોકોને તમારાથી અપેક્ષાઓ પણ છે. ત્યારે તમારે પુરતો સમય લઈને દરેક સમસ્યાઓને શાંતિથી ઉકેલવી. આખરે, જ્યારે યોગ્ય સમય આવશે ત્યારે તેનું સમાધાન આવી જશે!
પ્રત્યેક પરિસ્થિતિ અથવા વ્યક્તિ જેનો તમે સામનો કરો છો, તે તમારા પાછલા જીવનના કર્મનો હિસાબ છે. તેથી, તમારી પાસે જીવનમાં આવેલા દુ:ખને અને પીડા (ભોગવટાને)ને બંધ કરવા સિવાય બીજા ઘણા ઓછા વિકલ્પો છે. કર્મોના ઋણને (હિસાબને) વર્તમાનમાં ચૂકવવું વધુ સારું છે. નહિંતર, આ બધી સમસ્યાઓ વધુ તીવ્રતા સાથે ભવિષ્યના જીવનમાં પછી આવશે.

આત્મહત્યાનું અનુસરણ કરવા જેવું છે નહીં, માટે જ્યારે તમને આત્મહત્યા માટેની લાગણીઓ થાય ત્યારે શું કરવું જોઈએ તે નીચે પ્રમાણે દર્શાવેલ છે:

સામાજિક અથવા આસપાસની પરિસ્થિતિઓના દબાણવશ તેઓને અનુકૂળ થવા પ્રયત્ન ન કરો - તેના બદલે, તમારી શક્તિઓનો ઉપયોગ કરો કે, જેમાં તમે સારા છો તેમાં અને તમને પ્રેરણા આપનારા લોકોની આસપાસ રહો. એ તમારો આત્મવિશ્વાસ વધારશે અને આશાવાદી રહેવામાં મદદ કરશે.
ડ્રગ્સ (નશીલા પદાર્થો) અને દારૂથી દૂર રહો - આ તમારા આત્મઘાતી વિચારોની તીવ્રતામાં વધારો કરી શકે છે.
એકાંત અને એકલતા ટાળો - જે લોકો તમને ચાહે છે તેમનાથી દૂર થઈ જવાથી/અંતર રાખવાથી બાબતો વધુ ખરાબ થશે. ખાતરી કરો કે તમે દિવસમાં ઓછામાં ઓછી એક વાર કોઈની સાથે વાત કરો.
આપઘાત અંગેના વિચારોનો તમારી પાસે સંગ્રહ કરી રાખશો નહીં - કોઈ એવી વિશ્વાસુ વ્યક્તિને શોધો અને તેમને તમારી ખરાબ પરિસ્થિતિઓ વિશે જાણ કરો કે જેમાંથી તમે પસાર થઈ રહ્યા છો. તમારી લાગણીઓને બીજા સામે વ્યકત કરવામાં ક્ષોભ (શરમજનક) અનુભવો નહીં.
નિશ્ચયપૂર્વક ખાતરી કરો કે માનસિક સ્વાસ્થ્યની સ્થિતિ અને હતાશા/ડિપ્રેશન એ સારવાર કરવા યોગ્ય છે, માટે નિષ્ણાતોની સહાય લો.
નકારાત્મક (નેગેટિવ) સંજોગો ઊભા થાય ત્યારે પણ સકારાત્મક (પોઝિટિવ) રહેવું. સમાધાન શોધવામાં ધ્યાન કેન્દ્રિત કરો.
તમારા મનને દરેક સમયે કોઈ વસ્તુમાં વ્યસ્ત રાખો. તમે જેટલા વ્યસ્ત રહેશો, તેટલા જ પ્રમાણમાં નકારાત્મકતામાં આવવાની સંભાવના ઓછી રહે છે.
તમારી દિનચર્યા (રૂટીનને) બદલો – બગીચા (પાર્ક)માં ફરવા જાઓ. થોડી તાજી હવા મેળવો. આનાથી તમારું મન પણ સ્વચ્છ રહેશે.
વ્યાયામ - આનાથી તમને માનસિક અને શારીરિક સ્વસ્થતાનો અનુભવ થશે.
તંદુરસ્ત આહાર જાળવો. બીમારી એ તમારા દુ:ખમાં વધારો કરશે.
યાદ રાખો કે તમે એકલા નથી. બીજા ઘણા લોકો તમારા જ જેવી પરિસ્થિતિઓનો સામનો કરી રહ્યા છે અને તેમાંથી પસાર થઈ રહ્યા છે.

હવેથી, ખાતરી કરો કે તમે ક્યારેય તમારા જીવનનો અંત લાવે એવા વિચારોમાં તન્મયાકાર/એકાકાર થશો નહીં.

સકારાત્મક (પોઝિટિવ) અને નકારાત્મક (નેગેટિવ) વિચારસરણીની અસરો

જે વ્યક્તિ તમામ સંજોગોમાં સકારાત્મક (પોઝિટિવ) રહે છે તે જીવનમાં જીતશે. આવા વ્યક્તિનું સ્વાસ્થ્ય સારું રહેશે, આસપાસના લોકોને પ્રેરણા આપી ઉત્સાહિત કરે છે અને કાયમ ખુશ રહે છે. જ્યારે પણ આવા મુશ્કેલીભર્યા અથવા પડકારજનક સંજોગો હોય ત્યારે પણ, આવી વ્યક્તિઓ આવી પડેલી પરિસ્થિતિમાં હકારાત્મક (પોઝિટિવ) બાબતો પર ધ્યાન કેન્દ્રિત કરશે. ઉદાહરણ તરીકે, જો તેઓ તેમની નોકરી ગુમાવે છે, તો પછી તેઓ બીજી એક શોધવા માટે શક્ય હોય તેટલા બધા જ પ્રયત્નો કરશે અને આશાવાદી વલણ અપનાવશે. તેમના હકારાત્મક (પોઝિટિવ) વલણને કારણે તેઓ ખુલ્લા મનવાળા થશે અને તેઓ કોઈ પણ પરિસ્થિતિમાં સ્પષ્ટ રીતે સમજણપૂર્વક વિચારી શકશે. અંતે, હકારાત્મકતાનો (પોઝિટિવનો) નકારાત્મકતા (નેગેટિવ) પર વિજય થશે અને તેઓને નોકરી મળશે!

તેનાથી વિપરીત, સતત ખરાબ વિચારોની મન પર નકારાત્મક પર અસર થાય છે. અન્ય વ્યક્તિઓમાં અને પરિસ્થિતિઓમાં નકારાત્મકતા (નેગેટિવ) જોઈને, જીવનમાં અનિવાર્યપણે સંઘર્ષ આવે છે. નકારાત્મક (નેગેટિવ) વિચાર એ કાયમ દુઃખનું કારણ છે. એની તીવ્રતા એટલી હોય છે કે, જ્યારે તમારી સાથે સારી વસ્તુઓ થાય ત્યારે તમે તે સમયનો આનંદ પણ માણી શકતા નથી. યાદ રાખો: હકારાત્મક (પોઝિટિવ) અથવા નકારાત્મક રહેવું એ પસંદગીનો વિષય છે!

જ્યારે તમને આત્મહત્યા માટેની લાગણીઓ થાય તે ઘડીએ શું કરવું?

આત્મહત્યા તમારી સમસ્યાઓનો અંત લાવશે નહીં

સકારાત્મક (પોઝિટિવ) અને નકારાત્મક (નેગેટિવ) વિચારસરણીની અસરો

ક્વિક લીંકસ

મીડિયા

અન્ય સાઈટ