જો કોઈ આત્મહત્યા કરે તો શું કરવું? આત્મહત્યા ટાળવા અહી સહાયતા મેળવો.

જીવનમાં જે વ્યક્તિની તમે ખુબ જ નજીક છો અને જે હતાશાના (ડિપ્રેશન)ના લક્ષણોનો સામનો કરી રહ્યા છે અથવા આત્મહત્યા તરફ આગળ જતા હોય ત્યારે તમે અસહાયતા અનુભવ કરો છો. આત્મહત્યા તરફ જનારી વ્યક્તિ સાથે તમે શું વાત કરી શકશો, બની શકે કે ત્યારે તમે પોતે મૂંઝવણમાં હશો. તમે લાચારી, હતાશા, ગુસ્સો, ભય, અપરાધભાવ, ઉદાસીનતા, ચિંતાઓ અને તાણની વિવિધ ડિગ્રીમાંથી (અવસ્થામાંથી) પસાર થશો. જો તમે એવું વિચારશો કે, હાલમાં તમે જે ભાવનાત્મક અસંતુલનનો અનુભવ કરી રહ્યા છો, એ સર્વનું કારણ તમે પોતે છો, તો આમ કરવાથી પરિસ્થિતિ વધુ બગડી જશે. જ્યારે તમને અજંપા (ગભરામણ)નો અનુભવ થાય ત્યારે આત્મહત્યા તરફ જતી વ્યક્તિને રોકવા તમે કઈ રીતે તેમને સહાયરૂપ બની શકો, એવા પ્રયત્નો કરવા.

તમારા પ્રિયજનને ખરી રીતે સહાય કરવા માટે, તમારા પોતાના વિચારોમાં સ્પષ્ટતા હોવી જરૂરી છે અને ત્યારે તમને માનસિક રીતે પણ ચિંતા ન થવી જોઈએ. આના માટે ઉપયોગી એવા સૂચનો નીચે દર્શાવ્યા છે:

ડિપ્રેશન અને આત્મહત્યાના લક્ષણોના ચોક્કસ ચિન્હોને સમજવાનો પ્રયાસ કરો, જેથી કરીને તમને સમસ્યાઓનું સમાધાન વિસ્તારમાં સહેલાઈથી કરી શકો.
તેમના માટે કોઈ મંતવ્ય ન આપો, પરંતુ કરુણાભાવ રાખો. કારણ કે, તેમની લાગણીઓ તેમના નિયંત્રણમાં નથી.
સમજો કે તેઓ જે અનુભવે છે અને જેમાંથી પસાર થઈ રહ્યાં છે તે બધામાંથી બહાર નીકળવામાં પોતે સક્ષમ નથી અને આ વ્યક્તિગત બાબત પણ નથી.
નિષ્ણાતોની સલાહ લેવા માટે તેમને પ્રોત્સાહિત કરો.
તેમને મન ખોલીને વાત કરવા મનાવો.
તેમને તમારી ચિંતાઓ બતાવશો નહીં, કારણ કે, આમ કરવાથી તેમની પરિસ્થિતિ વધુ ખરાબ થશે.
તમારી ભાવનાઓને નિયંત્રણમાં રાખો; વધારે પડતી પ્રતિક્રિયા આપશો નહીં.
પ્રેમ, દયા અને સમજણથી તેમને જીતવાનો પ્રયાસ કરો.
તેમના વિશ્વાસનો દુરુપયોગ ન કરો.
વાતાવરણમાં પરિવર્તન (સ્થળફેર) એમના માટે મદદરૂપ સાબિત થઈ શકે છે. હવાફેર કરવા તેઓને કોઈક સ્થળે લઈ જાઓ. તેમને પાર્કમાં લઈ જઈ શકો છો, બાહ્ય પ્રવૃત્તિમાં સમય પસાર કરો, ખરીદી કરો, પિકનિક માટે જાઓ વગેરે...
કુટુંબના સભ્યો જોડે સમૂહ મિલનની વ્યવસ્થા કરો જ્યાં દરેક જણ સાથે સમય પસાર કરો, જેથી તેઓને યાદ આવે કે તેમની પાસે એવી વ્યક્તિઓ પણ છે જે તેમને પ્રેમ કરે છે અને તેમના પ્રત્યે કાળજી રાખે છે.
વ્યાયામ કરો, યોગા અને પ્રાણાયામ કરો અથવા તેમની સાથે ચાલવા જાઓ.
નિતનવી વસ્તુઓ શીખવાનો પ્રયાસ કરો અથવા ક્લબમાં જોડાઓ જ્યાં તમે એક સાથે વિવિધ પ્રવૃત્તિઓમાં ભાગ લઈ શકો.

વધુ સમાધાન મેળવવા, નીચે દર્શાવ્યા પ્રમાણે પ્રયાસ કરો:

વર્તમાનની આવેલી મુશ્કેલીઓ દૂર કરવા માટે એમને ખૂટતી શક્તિઓ મળી રહે, એ બદલ પ્રાર્થના કરો.
પ્રાર્થના દ્વારા તમારી ચિંતાઓ, ગુનાઓ, ડર અને અન્ય કોઈ પણ ભાવનાઓને બદલો.
તેમને પણ પ્રાર્થના કરવા માટે પ્રોત્સાહિત કરો.
દસ મિનિટ માટે તેમને નીચે દર્શાવ્યા પ્રમાણે પાઠ કરવા કહો:- હું-અ-નં-ત-સુ-ખ-નું-ધા-મ-છું અથવા હું-અ-નં-ત-શ-ક્તિ-વા-ળો-છું. જો શક્ય હોય તો, દરેક અક્ષરનું વાંચન કરતી વખતે તમને એકાગ્ર ચિત્તપૂર્વક મનમાં એકેએક શબ્દ ધ્યાનથી વાંચી શકાય એ રીતે બોલવાનું કહો. તેઓ ખૂબ શાંતિનો અનુભવ કરશે.
જો શક્ય હોય તો, તેઓ જે ભગવાનને માનતા હોય તેમનું નિદિધ્યાસન કરવાનું કહેવું. આના દ્વારા તેમના મનને શાંતિ પ્રાપ્ત થશે.
તેમને જે સંકટનો સામનો કરવો પડે છે તેના માટે જો તમે પોતાને જવાબદાર માનતા હો, તો તેમની માફી માંગો. તમે આ આંતરિક રીતે પણ કરી શકો છો. આમ કરવાથી, તમે હીનભાવ (પસ્તાવાની લાગણી)માંથી બહાર નીકળી શકશો. આ સર્વની અસર સામા વ્યક્તિ સુધી પણ પહોંચે છે.

આ સમયગાળા દરમિયાન, ધ્યાન રાખો કે આ ક્રિયાને સમય લાગશે અને તમારે ધીરજ રાખવાની જરૂર રહેશે. પ્રગતિ ભલે ધીમી થશે, પરંતુ છેવટે તમે ત્યાં પહોંચશો! જો તમને લાગે કે તમે નિયંત્રણ ગુમાવી રહ્યા છો, તો તરત જ આત્મહત્યા નિવારણ માટે મદદરૂપ એવા નિષ્ણાતોની સહાયતા મેળવો અને વધુ મોડું ના કરશો. ટૂંકમાં, વ્યક્તિગત, વ્યાવસાયિક અથવા કોઈ પણ અન્ય રીતે તેમના માટે તમે જેટલા બની શકે એટલા બધા જ પ્રયત્ન કરો. સકારાત્મક (પોઝિટિવ) મન રાખો અને તેમના માટે અને તમારા માટે મજબૂત બનો.

જો કોઈ આત્મહત્યા કરે તો શું કરવું? આત્મહત્યા ટાળવા અહી સહાયતા મેળવો.

વધુ સમાધાન મેળવવા, નીચે દર્શાવ્યા પ્રમાણે પ્રયાસ કરો:

ક્વિક લીંકસ

મીડિયા

અન્ય સાઈટ