ભગવાન પદની પ્રાપ્તિ કઈ રીતે કરવી?
જો આપણને ખબર હોય કે ભગવાન કેવા હોય, તો આપણે સમજી શકીએ કે ભગવાન પદની પ્રાપ્તિ કઈ રીતે કરી શક્ય છે.
તેથી ચાલો આપણે ભગવાનને સમજવાના પ્રયત્નો કરીએ:
- ભગવાન એ છે જે પોતાની જાતને ઓળખતા હોય. પોતે બીજું કંઈ નહીં પણ શુદ્ધાત્મા છે. ભગવાનને ‘હું શુદ્ધાત્મા છું’નું જ્ઞાન સંપૂર્ણપણે અનુભવાતું હોય. માટે, તેઓની માન્યતામાં ક્યારેય ભૂલ થતી નથી કે, ‘હું આ દેહ છું કે આ નામ છે.’
- ભગવાનની નિર્દોષ દ્રષ્ટિને કારણે તેમને સ્પષ્ટપણે એવું દેખાતું હોય છે કે આ સંસારમાં કોઈ દોષિત નથી. માત્ર આપણી જ ભૂલોને કારણે આપણને દુઃખો ભોગવવા પડે છે.
- ભગવાને પોતાની બધી ભૂલો ભાંગી નાખેલ હોય છે અને આ રીતે તે સર્વ શક્તિમાન છે.
આમ જીવંત ભગવાન પદની પ્રાપ્તિ માટે:
૧. પ્રથમ પગથિયામાં આત્મજ્ઞાન પ્રાપ્તિ થવી જોઈએ.
કઈ રીતે?
આત્મજ્ઞાન જ્ઞાની પુરુષનો ભેટો થવાથી પ્રાપ્ત થાય છે. જ્ઞાની પુરુષને સંસારની કોઈ બાબત અડતી નથી કે અસર કરતી નથી. તેઓ માત્ર મૂળ કારણ કે જેના આધારે સંસાર ઊભો રહ્યો છે તે અજ્ઞાનને જ દૂર કરી નાખે છે; અને આપણને ‘હું કોણ છું?’ એ પ્રશ્નનો જવાબ આપી આત્મજ્ઞાનનો અનુભવ કરાવીને જાગ્રત કરી આપે છે.
અક્રમ વિજ્ઞાન થકી, આવું આજે પણ શક્ય છે, આત્મજ્ઞાનનો પગથિયા વિનાના આધ્યાત્મિક વિજ્ઞાનના માર્ગ દ્વારા. કોઈ પણ જીવ જીવતા આત્મજ્ઞાનીને મળીને પોતાની જાતનું આત્મજ્ઞાન પ્રાપ્ત કરી શકે છે અને તેમની પાસેથી આત્મજ્ઞાન મેળવે છે.
જ્યારે આત્મજ્ઞાન પ્રાપ્તિ થાય છે ત્યારે નિર્દોષ દ્રષ્ટિ ઉત્પન્ન થાય છે અને આ નવી બદલાયેલી દ્રષ્ટિ સામાને પણ નિર્દોષ દેખાડે છે.
૨. બીજું પગથિયું એ છે કે જ્યારે આપણે પોતાની ભૂલોને જોઈએ છીએ અને તેમને ભાંગીએ છીએ, ત્યારે ભગવાન પદની પ્રાપ્તિ થાય છે.
પરમ પૂજ્ય દાદાશ્રી હંમેશાં કહેતા કે, “પોતાની ભૂલો કોણ જોઈ શકે? જેને નિર્દોષ વર્તનની સંપૂર્ણ દ્રષ્ટિ પ્રાપ્ત થાય છે, પછી ભલે ને વર્તન હજુ દોષ રહિત ન હોય તો પણ તે પોતાની ભૂલો જોઈ શકે છે. તે વ્યક્તિ સંપૂર્ણ મુક્ત થાય છે.”
માટે, ભગવાન પદની પ્રાપ્તિ કરવા માટે, જ્યારે પણ આપણે બીજાને આપણા વિચારોથી, વાણીથી કે વર્તનથી દુ:ખ આપીએ છીએ, ત્યારે આપણે સમજવું જોઈએ કે આ આપણી જ ભૂલ છે અને આપણે તરત જ તે માટે પ્રતિક્રમણ દ્વારા માફી માંગી લેવી જોઈએ.
‘પ્રતિક્રમણ’ એટલે આપણી ભૂલો ઉપર પસ્તાવો કરવો અને તે ભૂલોની જેને દુ:ખ આપ્યું છે તે ભગવાન પાસે (શુદ્ધાત્મા) કે જે, તે વ્યક્તિની અંદર જ રહેલા છે તેની પાસે માફી માગવી જોઈએ. પ્રતિક્રમણ શાંતિ અને પરમાનંદ મેળવવા માટેનું સૌથી મોટું હથિયાર છે.
પ્રતિક્રમણ કઈ રીતે કરવું
હૃદયપૂર્વક પશ્ચાતાપ સાથે, સામી વ્યક્તિના ભગવાનને (શુદ્ધાત્મા) યાદ કરીને મનમાં બોલવું કે:
- “હે શુદ્ધાત્મા ભગવન! મેં તમને દુ:ખ આપ્યું તે માટે હું પશ્ચાતાપ કરું છું.
- આ માટે હું તમારી માફી માંગુ છું.
- અને નિશ્ચય કરું છું કે ફરી આવી ભૂલ ક્યારેય પણ નહીં કરું.”
પ્રતિક્રમણ કરવાથી, આપણી ભૂલોનું એક પડ જાય છે. આપણે પ્રતિક્રમણ કર્યું હશે તો પણ તે જ ભૂલ ફરીથી થશે. કારણ કે, દરેક ભૂલોને ઘણા બધા પડ હોય છે. જ્યારે બધા પડ દૂર થશે, ત્યારે ભૂલ એની મેળે જ ખલાસ થશે.
નિષ્કર્ષ
- આત્મજ્ઞાન દ્વારા, આપણા નવા કર્મો બંધાતા નથી અને
- આપણી ભૂલોનું પ્રતિક્રમણ કરવાથી, આપણું દોષ રહિત વર્તન થાય છે.
આ રીતે, આપણે ધીમે ધીમે ભગવાન પદની પ્રાપ્તિ કરીએ છીએ.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
