શું દયા એ અહંકારનો ગુણ છે?
દયા છે, અહંકારી ગુણ!
પ્રશ્નકર્તા: દયામાં અહંકાર હોય છે?
દાદાશ્રી: દયા એ અહંકારી ગુણ! દ્વંદ્વ ગુણો બધા અહંકારી ગુણો. દ્વંદ્વ ગુણો બધા અહંકારી, દ્વૈતેય અહંકારી ગુણ ને અદ્વૈતેય અહંકારી ગુણ. આ લોકો અદ્વૈતની દુકાનો કાઢે છે, એમાં કશું વળે નહીં. કારણ કે, એ દ્વંદ્વ ગુણ છે, દ્વેત-અદ્વૈત. એટલે દયાવાળો હોય, એને નિર્દયતાના વિકલ્પો આવે.
પ્રશ્નકર્તા: દયા અને કરુણા, આમાં દયાનું સ્થાન જ નથી. પ્રેમ છે, મહાવીર ભગવાનનો પ્રેમ છે, બુદ્ધ ભગવાનની દયા છે.
દાદાશ્રી: અમે એ સ્વરૂપમાં છીએ, પ્રેમ સ્વરૂપમાં છીએ. અમારે કોઈની જોડે મતભેદ નથી. મને ગાળો ભાંડે તોય મારે મતભેદ નથી.
પ્રશ્નકર્તા: એ શું ભાવ કહેવાય? એને કરુણા કહેવાય કે દયા કહેવાય?
દાદાશ્રી: દયાનું સ્ટેજ પૂરું થયું. દયા હોય ને ત્યાં નિર્દયતા હોય. તે નિર્દયતા એમનામાં નથી, નિર્દયતા છૂટી ગઈ. દયા છૂટી ગઈ ને કરુણા આવી.
પ્રશ્નકર્તા: તે કરુણામાં પણ અહંકારનો ભાગ રહ્યો ખરો?
દાદાશ્રી: ના, અહંકાર નહીં.
પ્રશ્નકર્તા: પ્રેમ અને કરુણામાં ફેર કેમ રહ્યો?
દાદાશ્રી: પ્રેમ તો હજુ આગળનું સ્વરૂપ છે.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
